ಬೆಳಗಾವಿ : ಶಹರ ಪೊಲೀಸ್ ಠಾಣೆ ಎದುರು ರಸ್ತೆ ಮೇಲೆ ಕುಳಿತು ಕುಡುಕನೊರ್ವ ಮದ್ಯ ಸೇವಿಸಿದ್ದಾನೆ. ಬೆಳಗಾವಿಯ ಗೋಕಾಕ್ ನಗರದಲ್ಲಿರುವ ಪೊಲೀಸ್ ಠಾಣೆ ಎದುರು ಈ ಘಟನೆ ನಡೆದಿದೆ. ಗೋಕಾಕ್ ನಗರದ ಉಪ್ಪಾರ ಗಲ್ಲಿಯ ನಿವಾಸಿಯಾಗಿದ್ದು, ವೈಯಕ್ತಿಕ ಸಮಸ್ಯೆ ಬಗೆ ಹರಿಸುವಂತೆ ಠಾಣೆಗೆ ಹೋಗಿದ್ದ ವ್ಯಕ್ತಿ. ಆದರೆ ಸಮಸ್ಯೆಗೆ ಸ್ಪಂದಿಸದಿರುವುದಕ್ಕೆ ಠಾಣೆ ಎದುರು ಬಿಂದಾಸ್‌ ಆಗಿ ಎಣ್ಣೆ ಬಿಟ್ಟುಕೊಂಡಿದ್ದಾನೆ.
ರಸ್ತೆ ಮೇಲೆ ವಾಹನಗಳು ಓಡಾಡ್ತಿದ್ರೂ ತಲೆಕೆಡಿಸಿಕೊಳ್ಳದೇ, ರಸ್ತೆ ಮೇಲೆ ರಾಜಾರೋಷವಾಗಿ ಮದ್ಯ ಸೇವಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಸದ್ಯ ವ್ಯಕ್ತಿಯನ್ನ ಸ್ಥಳದಿಂದ ಎಬ್ಬಿಸಿ ಪೊಲೀಸರು ಮನೆಗೆ ಕಳುಹಿಸಿದ್ದಾರೆ.