ವಿದ್ಯಾರಣ್ಯಪುರದ ಉದ್ಯಮಿ ಶಶಾಂಕ್‌ ಎಂಬುವರ ಕುಟುಂಬಕ್ಕೆ ರೌಡಿಗಳಿಂದ ಕಿರುಕುಳ ನೀಡಲಾಗುತ್ತಿದೆ ಎಂಬ ಆರೋಪ ಕೇಳಿ ಬಂದಿದೆ. ವಿದ್ಯಾರಣ್ಯಪುರದಲ್ಲಿರುವ ಸೈಟಿನ ಕಾಂಪೌಂಡ್‌ ಹೊಡೆಯಲು ಯತ್ನ ನಡೆದಿದ್ದು, ಇದನ್ನು ಪ್ರಶ್ನಿಸಿದ್ದ ಉದ್ಯಮಿ ತಾಯಿ ಹಾಗೂ ಕುಟುಂಬಸ್ಥರಿಗೆ ಧಮ್ಕಿ ಹಾಕಿದ್ದಾರೆ ಎನ್ನಲಾಗಿದೆ. ಈ ಹಿಂದೆಯೂ ಇದೇ ವಿಚಾರಕ್ಕೆ ಅರೆಸ್ಟ್‌ ಆಗಿದ್ದ ಆರೋಪಿಗಳು, ಇದೀಗ ಮತ್ತೆ ಅದೇ ಕೃತ್ಯ ನಡೆಸಿದ್ದಾರೆ ಎನ್ನಲಾಗುತ್ತಿದೆ.
ಈ ಹಿಂದೆ 2022ರಲ್ಲಿ ಆರೋಪಿಗಳ ವಿರುದ್ದ ವಿದ್ಯಾರಣ್ಯಪುರ ಠಾಣೆಯಲ್ಲಿ, ಶಶಾಂಕ್‌ ಅತಿಕ್ರಮ ಪ್ರವೇಶ ದೂರು ನೀಡಿದ್ದರು. ಬಿಡ್ಡ ಶೇಖರ್, ಮೋಹನ್, ಜೋಸೆಫ್ ಎಂಬುವವರ ವಿರುದ್ದ ದೂರು ದಾಖಲಾಗಿತ್ತು. ಕಳೆದ ವಾರವೂ ಉದ್ಯಮಿಯ ಸೈಟಿನ ಬಳಿ ಬಂದು ಕಂಪೌಂಡ್ ಗೋಡೆ ತೆರವುಗೊಳಿಸಲು ಯತ್ನ ನಡೆದಿದ್ದು, ಈ ಬಗ್ಗೆಯೂ ದೂರು ದಾಖಲಾಗಿದೆ.