ಮಕ್ಕಳ ಪಾಲಿಗೆ ಆತ ಫೇವರೇಟ್‌ ಹೀರೋ…13 ಸೆಪ್ಟಂಬರ್ 1997 ರಿಂದ 27 ಮಾರ್ಚ್ 2005ರವರೆಗೆ ಕಿರುತೆರೆಯನ್ನ ಆವರಿಸಿಕೊಂಡಿದ್ದ ಶಕ್ತಿಮಾನ್..ಭರವಸೆಯ ನಟ ಮುಖೇಶ್ ಖನ್ನ ಇದೀಗ ಮತ್ತೆ ಗಾಳಿಯಲ್ಲಿ ತೇಲಲಿದ್ದಾರೆ..ಸಂಕಷ್ಟದಲ್ಲಿರುವವರನ್ನ ರಕ್ಷಿಸಲಿದ್ದಾರೆ. ಶಕ್ತಿಮಾನ್ ಸೂಪರ್ ಹೀರೋ.. ಸೂಪರ್ ಟೀಚರ್ ಆಗಿ ಬಿಗ್‌ ಸ್ಕ್ರೀನ್‌ ನಲ್ಲಿ ಕಮಾಲ್‌ ಮಾಡಲಿದ್ದಾರೆ.
ಶಕ್ತೀಮಾನ್‌ ಟೀಸರ್‌ ಬಿಡುಗಡೆಯಾಗಿದೆ. ಪೋಸ್ಟರ್‌ ಮತ್ತು ಟೀಸರ್‌ ಎರಡು ಹಿಟ್‌ ಆಗಿವೆ. ಇದೀಗ ಅಭಿಮಾನಿಗಳು ಸಿನಿಮಾ ಯಾವಾಗ ಬಿಡುಗಡೆಯಾಗುತ್ತೆ ಅಂತ ಕುತೂಹಲದಿಂದ ಕಾಯುತ್ತಿದ್ದಾರೆ.
ಹಿರಿಯ ನಟ ಮುಖೇಶ್ ಖನ್ನಾ ಅವರು 90 ರ ದಶಕದ ಜನಪ್ರಿಯ ಸೂಪರ್ ಹೀರೋ…ಅವರ ಶೋ 'ಶಕ್ತಿಮಾನ್' ಅನ್ನು ಮರಳಿ ತರುವುದಾಗಿ ಈ ಹಿಂದೆ ತಮ್ಮ ಅಭಿಮಾನಿಗಳಿಗೆ ಭರವಸೆ ನೀಡಿದ್ದರು... ಅದ್ರಂತೆ ಇದೀಗ ನಟ ಕೊಟ್ಟ ಭರವಸೆಯನ್ನು ಈಡೇರಿಸಿದ್ದಾರೆ… ಅವರು ದೇಸಿ ಸೂಪರ್ ಹೀರೋ ಆಗಿ ಮತ್ತೆ ತೆರೆಗೆ ಬರಲಿದ್ದಾರೆ…
ಅವನು ಹಿಂದಿರುಗುವ ಸಮಯ ಬಂದಿದೆ… ನಮ್ಮ ಮೊದಲ ಭಾರತೀಯ ಸೂಪರ್ ಟೀಚರ್-ಸೂಪರ್ ಹೀರೋ…. ಈ ದಿನಗಳಲ್ಲಿ ಇದು ನಮ್ಮ ಮಕ್ಕಳಿಗಾಗಿ ಮತ್ತೆ ಬರುತ್ತಿದೆ. ಅದೂ ಒಂದು ಸಂದೇಶದೊಂದಿಗೆ. ಒಂದು ಬೋಧನೆಯೊಂದಿಗೆ, ಇಂದಿನ ಪೀಳಿಗೆಗೆ ವಿಶೇಷವಾಗಿದೆ. ಅದನ್ನು ಎರಡೂ ಕೈಗಳಿಂದ ಸ್ವಾಗತಿಸಿ ಎಂದು ಟೀಸರ್‌ ಆರಂಭವಾಗುತ್ತೆ. ಶಾಲೆಯೊಂದಕ್ಕೆ ಬರುವ ಸೂಪರ್ ಮ್ಯಾನ್, ಸುಬಾಷ್‌ ಚಂದ್ರ ಬೋಸ್‌, ಚಂದ್ರಶೇಖರ್‌ ಆಜಾದ್‌, ಭಗತ್‌ ಸಿಂಗ್‌ ಫೋಟೋ ಮುಂದೆ ನಿಂತು ಹಾಡು ಹಾಡೋ ಕಂಟೆಂಟ್‌ ಟೀಸರ್‌ ನಲ್ಲಿದೆ..
ತಮ್ಮ ಬಾಲ್ಯದ ನೆಚ್ಚಿನ ಕಾರ್ಯಕ್ರಮವಾದ ಶಕ್ತಿಮಾನ್ ನನ್ನ ನೋಡೋಕೆ, ಉತ್ಸುಕರಾಗಿದ್ದಾರೆ. ಆದ್ರೆ ಈ ಶಕ್ತಿಮಾನ್ ಸಿನಿಮಾ ರೂಪದಲ್ಲಿ ಬರ್ತಿದ್ದಾನೋ, ವೆಬ್‌ ಸೀರೀಸ್‌ ರೂಪದಲ್ಲಿ ಬರ್ತಿದ್ದಾನೋ, ಅಥವಾ ಟಿವಿಯಲ್ಲಿ ಮರಳಿ ಬರ್ತಾನೋ ಅನ್ನೋ ಕೂತುಹಲವನ್ನ ನಿರ್ಮಾಣ ತಂಡ ತನ್ನಲ್ಲೇ ಬಚ್ಚಿಟ್ಟುಕೊಂಡಿದೆ.